સવાર થયું ને

સવાર થયું ને આભે ઊગ્યો આફતાબ,

આ બાગે ખીલ્યું સુંદર સુગંધિત ગુલાબ,

સવાર થયું ને સોનાની જેમ ચમકી આ ધરતી,

જાણે પ્રકૃતિના હરેક તત્વો જાણે ઉતારે ઈશ્વરની આરતી,

સવાર થયું ને આ ઝાકળે ચૂમ્યું ફૂલોનું ભાલ,

આ શરમથી થઈ ગયા ફૂલોનાં ગાલ લાલ,

સવારને થયું ને દિલના દ્વારે ખુશીએ આપી દસ્તક,

આ કુદરતની સુંદરતા જોઈ મારું હૈયું થયું કુદરતને હસ્તક,

સવાર થયું ને આ માનવી નિદ્રામાંથી જાગ્યો,

ધન દૌલત કમાવવા એટલો જલ્દી જલ્દી ભાગ્યો,

સવાર થયું ને મંદિરે થઈ આ આરતી,

આ મસ્જિદે થઈ અજાન,

તોય માનવી ઈશ્વરથી છે સાવ અજાણ,

આ સવાર થયું ને ખેડૂતો ચાલ્યા પોતાના ખેતર ભણી,

ખેતર પ્રત્યે છે એને સંતાનો જેવી લાગણી,

સવાર થયું ને પંખીઓએ કર્યો કલશોર,

જગત આખું બન્યું આનંદ વિભોર.