હેપ્પી રક્ષાબંધન

બેન ઊભી આંગણીએ, બે શબ્દ પૂછ તું

હાથમાં રાખડી, સુરક્ષા વિશે પૂછ તું,

છોડ્યું પિયર, બે ઘરને ઉજાળતી એ

બંધન છે સહોદરનાં, વીરાને પૂજતી એ,

વિતાવ્યું બચપણ, જે ઘરને આંગણીએ

એ આંગણે તું, આવકાર મીઠો આપજે,

હશે સદા કાળ દૂર, તો પણ હૃદયે યાદ તારી

મેઘ, ઠંડી, તાપમાં, એ આશિષથી વરસતી,

આવતી એ જોશથી, વીરા તણા મેળાપે

ઘર ભણી ધીમી વળતી, સ્નેહભરી આંખે,

રાખડી લઈને આવી બેના, પ્રેમને સમજ તું

તારો વૈભવ કઈ નથી, સંબંધને પરખ તું.