અહીં કોઈ નથી શાશ્વત

અહીં કોઈ નથી શાશ્વત, તેનું કામ બોલે છે,

મિનારાઓ નથી ઊભા છતાંએ નામ બોલે છે,

ધરીને કાન ઊભી છે આ સઘળી ભીંત ત્યાં આજે

ભલે રાખો તમે વાતો છુપી ત્યાં, ગામ બોલે છે,

છે આભાસી આ દુનિયા, ચાલતો રે ! ચળકતો સિક્કો

નથી મોભો, નથી પદવી, ત્યાં ખિસ્સા દામ બોલે છે,

નહીં થાકે કદી સૂરજ, નથી બંધન સમયનું તો

ઉતર્યું છે આ અંધારું, એ ઢળતી શામ બોલે છે,

ન રાજાઓ રહ્યા પણ એ અમીરી ના ભૂલાઈ છે,

હતી જાહોજલાલી એ દીવાને આમ બોલે છે.