તારાં જ છે આ તમામ ફૂલો

ન દે મુરઝાવા તું આ ફૂલો,

તારાં જ છે આ તમામ ફૂલો.

આવી પડ્યું છે મહાસંકટ ઈશ, 

બતાવ કો'ક મારગ ઉગરવા ઈશ. 

ન દે ખરવા, તું વિશ્વબાગનાં ફૂલો, 

તારાં જ છે આ તમામ ફૂલો.

સપડાયા છે સૌ કોરોનામાં ઈશ, 

બતાવી તારી લીલા ઉગાર ઈશ. 

ન દે ઝૂરવા, તું જન-જન ફૂલો, 

તારાં જ છે આ તમામ ફૂલો.

ચૂટ્યાં છે ફૂલો, કાળકેરા રાક્ષે ઈશ, 

કરી વધ એનો, મહેકાવ બાગ ઈશ.

ન દે થવા સંક્રમિત સૌ ફૂલો,

 તારાં જ છે આ તમામ ફૂલો.

ઝૂંટવી છે આઝાદી આ દાનવે ઈશ, 

બદલી વાતાવરણ, ભગાડ એને ઈશ. 

ન દે મુરઝાવા તું આ ફૂલો,

તારાં જ છે આ તમામ ફૂલો.