તારા ગયા પછી
તારા ગયા પછી
મેં મને ગોતવાની કોશિશ કરી પણ હું મારામાં જ ન મળી,
જીવનમાં શૂન્યતા થરથરે, તારા ગયા પછી...
તારું મારાથી અલગ થવું, જાણે એક પ્રસવ યાતના વળી
ગીત, ગઝલ કૈંક અવતરે, તારા ગયા પછી...
તું નથી, તું નથી, તું નથી, છતાં બઘે તું દેખાયા કરે,
તું જ બધે તરવરે, તારા ગયા પછી...
જીવનમાં સ્તબ્ધતા આવી ચડી, થઈ દુનિયા સ્તબ્ધ વળી,
વિચારો તારા ચળવળે, તારા ગયા પછી.....
નટખટ નાદાન ચંચળ ઘણી, પણ હવે શૂન્યતા ફરી વળી,
ના જીવી શકું, ના મરી શકું તારા ગયા પછી.