ખબર નથી

રિસાયું છે કોઈક ખબર નથી શું છે ?

ઘવાયું છે દિલ ખબર નથી શું છે ?

મળી જો જાય તો હમણાં સાચવીને મૂકી દઉં..

ખોવાયું છે કૈક ખબર નથી શું છે ?

પાસે આવે તો પ્રેમે બેસાડી દઉં..

ચાલ્યું ગયું દૂર કોઈ ખબર નથી શું છે ?

નથી જરૂર ઉપરછલ્લા મલમની...

ભીતરે દઝાડે છે કાંઈ ખબર નથી શું છે ?

હોય જો વિવાદ તો "પલ" માં કહી દઉં..

મૌન રહી તડપાવે છે કોઈ ખબર નથી શું છે ?

આવે જો આંગણે હરખે આવકારું...

"યાદો"ના દ્વાર ખખડાવે છે કોઈ ખબર નથી શું છે ?