દિલની વ્યથા

આંખ એની ડૂબાય એવી હતી,

નજર ક્યાં વંચાય એવી હતી ?

માન્યું ચાલ નિશા પછી છે સવાર,

સપનામાં તો રાત લંબાઈ એવી હતી,

હોય છે હજારો અડચણો પ્રેમ ડગર પર,

મંજિલ તો ય પાર થાય એવી હતી,

હસતા મોઢે રહી કાયમ ગમ છુપાવી,

વ્યથા આ દિલની લખાય એવી હતી,

ક્યાં લખાય છે છંદમાં બાંધેલી ગઝલ,

તો ય વાત મારી વખણાય એવી હતી,

વિતાવ્યો છે જે સમય મેં યાદમાં,

રાહ તારાથી ય ક્યાં જોવાય એવી હતી ?

આઘાત ના પચાવી શકી તારા વિરહનો,

જિંદગી નહિતર પ્રેમથી જીવાય એવી હતી.