Library
સ્વતંત્રતા ખોવાઈ છે
સ્વતંત્રતા ખોવાઈ છે
1 min
56
દેશમાં આજે બેકારીની ખાઈ છે, સ્વતંત્રતા ખોવાઈ છે,
કોમવાદમાં હવે દુનિયા હોમાઈ છે, સ્વતંત્રતા ખોવાઈ છે !
ઊંચનીચના ભેદભાવ છે ચોતરફ, કડવી એ સચ્ચાઈ છે,
ભ્રષ્ટાચારની આગ ક્યાં ઓલવાઈ છે? સ્વતંત્રતા ખોવાઈ છે !
લડી રહ્યો છે માનવી એકમેકની સાથે, એ કરતો અંચાઈ છે,
સાથ નથી મળતો કશે, એકલતાની રજાઈ છે, સ્વતંત્રતા ખોવાઈ છે !
સત્તાના મોહમાં કુસ્તી રચાઈ છે, હુંસાતુંસી કેવી સર્જાઈ છે!
દેશદ્રોહી બન્યાં નિર્લજ્જ, દેશદાઝ મપાઈ છે, સ્વતંત્રતા ખોવાઈ છે !
કરજે ઉદ્ધાર તું ઈશ્વર, બચાવજે અમોને, તારી દુહાઈ છે!
દુનિયા અમારી તો ગુલામીમાં ફસાઈ છે, સ્વતંત્રતા ખોવાઈ છે.
