સંબંધ

સંબંધમાં હું બંધાઈ

કે પછી 

આ સંબંધો જ,

મને બાંધતા ગયા ? 

એમ તો

કોઈ સાંકળ 

ન હતી છતાં 

બંધન મજબૂત બનતાં ગયાં

ક્યાંક રિવાજોના

તો ક્યાંક 

પ્રીતનાં બંધનો

વધતાં ગયાં

ભર્યો સમંદર

ઉલેચ્યો ને 

છતાં 

ખાલી ઘડો રહી ગયો

પ્રીતની આ 

એકપક્ષી છાયા નીચે

ક્યાંક મૂંઝારો 

વધતો ગયો

ખોલ્યાં મેં

'નેત્રમ' 

જોયું તો 

સ્વાર્થનાં સમીકરણો

વધુ કઠિન 

બિંદુઓ બનતાં ગયાં

જીવનના અંતમાં

પણ મારા

આરંભના ડગ 

મંડાતા ગયાં.