પ્રેમની શોધ કરી થાકી ગઈ

પ્રેમ વરસાવીને અમે થાકી ગયા,

તોય તમે ક્યાં પીગળી શક્યા !

સ્મિત આપીને પ્રેમ માંગી ગયા,

તોયે તમે ક્યાં દાન કરી શક્યા !

સાત સૂરોનો સંગમ લઈને આવ્યા,

તોયે તમે ક્યાં થોડું મલકી શક્યા !

શ્વાસોની મહેક પાથરી અમે,

તોયે તમે ક્યાં મહેકી શક્યા !

બધા પ્રયાસો અમે કરી જોયા,

પથ્થરમાંથી ક્યાં મૂરત થઈ શક્યા !

પ્રેમ માંગી માંગીને થાકી ગયા,

પ્રેમનો પ્રત્યુતર ક્યાં તમે આપી શક્યા !

પ્રેમની શોધ કરી કરી થાકી ગઈ,

નિ:સ્વાર્થ પ્રેમ તમે ક્યાં આપી શક્યા !