કજીયાખોર વાલમ

ન કરો ચાલાકી મુજ પર વાલમ,

મેં ચાણકયની રાજનીતિ પણ વાંચી છે.

આંખો ફાડીને મને ન જુઓ વાલમ,

મેં તો ભભૂકતાં જ્વાળામુખી પણ જોયા છે.

માથું ધુંણાવીને મને ન બિવડાવો વાલમ,

મે તો વિનાશક વાવાઝોડા પણ જોયા છે.

ગુસ્સાથી ફુંફાડા મને ન મારો વાલમ,

મેં તો નાગના ફુંફાડા પણ સાંભળ્યા છે.

રડી રડીને આંસુ ન વહાવશો વાલમ,

મેં તો વરસતો મેઘ મલ્હાર પણ જોયો છે.

પગ પછાડી ઘરને ન ધ્રૂજાવશો વાલમ,

મેં તો ધરતી કંપના આંચકા પણ અનુભવ્યા છે.

વારંવાર ઝગડીને ન રિંસાશો વાલમ,

મેં તો મનાવવાના પાઠ પણ શિખ્યા છે.

ચિસો પાડીને સૂર બેસૂરા ન કરો વાલમ,

"મુરલી" સાતેય સ્વરોનો ઉંડો સાધક છે.