સ્વર્ગ જેવું સુંદર છે
સ્વર્ગ જેવું સુંદર છે
હદયની વિરાન ધરા પર ખડું કર્યું મે મારું કાલ્પનિક વિશ્વ,
વાસ્તવિકતાથી જોજનો દુર છે મારું આ કાલ્પનિક વિશ્વ.
સ્વર્ગ જેવું સુંદર મારું કાલ્પનિક વિશ્વ !
વાસ્તવિકતાથી હારી જાઉ છું, હતાશ થઈ જાઉં છું,
ત્યારે સજાવી લઉં છું મારું કાલ્પનિક વિશ્વ.
સ્વર્ગથી પણ સુંદર છે આ મારું કાલ્પનિક વિશ્વ,
રંગ બેરંગી ફૂલો અહી કળીઓ સાથે કરે છે ગુફ્તગુ.
આ ફૂલ કરે છે ખુશ્બુ ને વ્હાલ,
ના કોઈ કરે એકબીજા ને સવાલ.
કેવું ! સુંદર અને રળિયામણું છે મારું આ વિશ્વ.
ના કોઈ પ્રશ્નો, ના કોઈ કોયડા,
ના દુઃખ,ના ગમ, ના આંસુ છે,
અહી તો બસ વિચારો એ સાચું છે.
મેઘ ધનુષ્યના સપ્તરંગી શમણાંઓની છે વેલી,
વાદળી પણ કરે અહી હેતની હેલી.
સુખ શાંતિ અને સૂકુંન જો ને ખખડાવે મારી ડેલી,
ફૂલો એ જાણે કાઢી છે રેલી !
સૂરજની કિરણ પણ હરખે હરખે આવે છે વહેલી,
પ્રકૃતિ જાણે વરસાવે હેતની હેલી !
પણ આ હદય પૂછે વારંવાર આ જીવનની પહેલી,
ના ગમ, ના દુઃખ,ના હતાશા, ના ઉદાસી છે,
અહી ચારો તરફ જાણે હસી છે !
ના પ્રશ્ન, ના કોયડાઓ છે, ના કોઈ સમસ્યા છે,
ના કોઈ ગેર, ના કોઈ પરાયા છે,
મારા વિશ્વમાં બસ સૌ પોતાના છે.
પળમાં રચાતું ને પળમાંજ તૂટી જતું,
મારું આ કાલ્પનિક વિશ્વ.
ક્યારેક આકાશની તો ક્યારેક દરિયાની,
સફર કરાવતું આ કાલ્પનિક વિશ્વ.
ક્યારેક પતઝડમાં પણ હદયની ધરાને,
હરિયાળી બક્ષતું આ કલ્પનિક વિશ્વ.
ખબર છે મૃગજળ જેવી છે આ સફર,
તોયે આ મરકટ મન ક્યાં માને !
હરી ફરી ને જાય આ કલ્પનાનાં વિશ્વમાં.