રણમાં ખીલી ઉઠ્યું ગુલાબ
રણમાં ખીલી ઉઠ્યું ગુલાબ
તમે આવ્યા ને જોને રણમાં ગુલાબ ખીલ્યું,
આ મારું બેતાબ હૈયું જાણે નાચી ઉઠ્યું !
આ બાગના પતંગિયાઓ બધા ટોળે વળ્યા,
જાણે તમને જોઇને એમના મુખ મલક્યા !
આ પર્ણો જોને બધા જાણે તાળીઓ પાડે,
જાણે વૃક્ષોના હૈયા તો હરખાઈ ગયા !
તમારા આગમને જાણે સરોવર હિલોળે ચડ્યું,
જાણે આ પંખીઓ બધા ટહુકવા લાગ્યા !
તમને જોઈને ચાંદ જાણે શરમાઈ ગયો,
જોને તારાઓ જાણે આભે છુપાઈ ગયા.
તારા આગમને જોને આ પ્રકૃતિ ઝૂમી ઉઠી,
જાણે સારી કાયનાતમાં દીપ ઝળહળી ઉઠ્યા.