ખુશીઓને વહેંચતા શીખો
ખુશીઓને વહેંચતા શીખો
તાંબુ ભળે સોનામાં એમ સૌમાં ભળતા શીખો,
તમારા હક માટે સૌની સામે લડતા શીખો.
હસતો ચહેરો જોઈ દુઃખ પણ ભાગી જશે,
દુઃખમાં પણ ચહેરે સ્મિત રાખતા શીખો.
કુદરતે આપ્યું છે સુખ તમને જીવનમાં અઢળક,
ખોબો ભરી ખુશીઓને વહેંચતા શીખો.
ક્યારેક ધારીએ સોનું એ કથીર પણ નીકળે,
દોસ્તી કરતા પહેલા લોકોને પરખતાં શીખો.
દર્દને પીડાને હૈયામાં ધરબીને ના રાખો તમે,
પીડાઓને શબ્દોનો દેહ આપતા શીખો.