"મૌનનો દરિયો."

હોઠ મૌન છે પણ હૈયે ઘણી વાતો ધરબાય,

શબ્દોનું રૂપ આપતા જોને આ હૈયું સંકોચાય,

હૈયે ઘણી વાતો છે મારે તને કહેવા માટે,

પણ જોને પિડાથી દિલનો દરિયો ઘુઘવાય,

દુઃખોનો આકરો તાપ સહન કરે હૈયાનો દરિયો,

જોને આંખોથી અશ્રુ બની આ દુઃખ છલકાય,

બદનામીનો ડર લાગે આ ઘાયલ હૈયાને,

એટલે જ આ હોઠ ખૂલીને ફરી બીડાય,

વણકહી વાતો આ હૈયાને ભારે પીડા આપે,

એટલે જ આ દુઃખી દલડું ઝાઝું અકળાય,

લાખો પ્રયાસો છતાં ન મળે સુકૂન દિલને,

એટલે જ દુઃખની આગમાં દિવસ રાત એ શેકાય.