બતાવ તારું શાણપણ !

થયો છે સમજુ, આવ્યું છે ડહાપણ,

બંધુ, હવે તો બતાવ તારું શાણપણ !

રહ્યો છે કરી કોરોના અહીં નરભક્ષણ,

બંધુ, હવે તો કરાવ તારું પરીક્ષણ !

લાગી શકે છે ચેપ ભેગુ થૈ મહેરામણ,

બંધુ, હવે તો તાંક રસ્તો તારા ઘરભણ !

નાથી શકે છે કોરોના નાગને તું હજીપણ,

બંધુ, હવે તો પહેરી લે માસ્ક તત્તક્ષણ !

મળી શકે છે તને વણનોતર્યું આ ભારણ,

બંધુ, હવે તો કર સેનિટાઈઝ વાતાવરણ !

ફેલાઈ શકે છે આ મહામારી થૈ સંક્રમણ,

બંધું, હવે તો ધોઈ હાથ ભગાવ રજકણ !

આવી શકે છે આ કોવિડ-19નું ઘડપણ,

બંધુ, હવે તો બતાવ તારું યુવા એકપણ !

થયો છે સમજુ, આવ્યું છે ડહાપણ,

બંધુ, હવે તો બતાવ તારું શાણપણ !