ગઝલ - નથી
ગઝલ - નથી
કોઈને મારે હવે મળવું નથી
પ્રેમમાં પાછું હવે પડવું નથી
ખોવાઈ જવું છે અંધકારમાં
પાછા કોઈને હવે જડવું નથી
લાગણીતણા ખાબોચિયાથી છેતરાયો
પ્રેમ ભરતીમાંયે મારે હવે તરવું નથી
મરતો રહ્યો છું સંબંધો જીવાડવા
લાગણીની લાલચે હવે મરવું નથી
હાર્યો છું પોતાના પારકા થતા
નીજ હૃદયસાથે હવે લડવું નથી
બહુ ભટક્યો સાચા સગાની શોધમાં
હાર્યો, થાક્યો બસ હવે રખડવું નથી
દ્વેષના સંબંધોમાં બહુ અટવાયો
બહુ થયું બસ હવે સડવું નથી.