સથવારો જોઈએ

છળતી દરેક શ્વાસોને તારો જ સાથ જોઈએ,

આ જન્મે જ નહીં મને જન્મારે જન્મારે જોઈએ,

ક્યાંય અટકી જાઉં કે ભટકી જાઉં હું મંજિલેથી,

સાથ તારો ને તારા નામનો જ વિશ્વાસ જોઈએ,

અબૂધ મતિ મારી કર્મો અકર્મોને જાણતી નથી,

મધદરિયે ફસાતી નાવને તારો જ સાથ જોઈએ,

તું સાથ આપીશ ? કહી તને શરમિંદા નહીં કરું,

લાગણીનો છલોછલ છલકાતો દરિયો જોઈએ,

વિશ્વાસ તો છે ક્યાંક દૂર બેસી સાંભળે છે મને,

દર્શુને સ્વપ્ન ને હકીકતનો સથવારો જોઇએ.