સરદારનું ગીત - ર૦
સરદારનું ગીત - ર૦
અસહકાર-૧ (ઈ,સ, ૧૯૧૯)
ખિલાફ તે દગો મળ્યો, ને અત્યાચાર થાય રે;
હિંદુ-મુસ્લિમની તેથી, લાગણીઓ દુભાય રે,
સ્વરાજ મેળવી લેવું, હટાવી સરકાર રે;
આ બધાં કારણો માટે, થયો અસહકાર રે,
અહીં વલ્લભભાઈએ, એનો કર્યો ઠરાવ રે;
પરિષદ ભરી પોતે, રજૂ કર્યો સુઝાવ રે,
ઘસાવે નાક લોકોને, એવી છે સરકાર રે;
પંજાબીને ઘસી પેટ, ચલાવે નામદાર રે,
પ્રજાની મશ્કરી થાય, કેમ ભૂલી જવાય રે ?
આવી આ સરકારોને, સાથ કેમ અપાય રે ?
ભાવિને કેમ દેવાય ? વારસે અપમાન રે;
જોખમથી ડરે નૈ તો, પ્રજા બને મહાન રે,
પ્રજાનું નૂર ચૂસે છે, અંગ્રેજ સરકાર રે;
કરવા દૂર તેઓને, કરો અસહકાર રે,
આપ્યો વલ્લભભાઈને, બધાએ આવકાર રે;
ચૂંટી પ્રમુખના હોદ્દે, આપ્યો છે અધિકાર રે,
ફાળો સ્વરાજ માટેનો, કરવા કાજ જાય રે;
લક્ષયથીયે વધારેનો, ફાળો ભેગો કરાય રે,
છે સરકાર મૂંઝાણી, જોઈ આ હિલચાલ રે;
એમાં અમલદારોના, છે બગડેલ હાલ રે,
વિદેશી કપડાં બાળે, ને બહિષ્કાર થાય રે;
ગામડાં ને શહેરોમાં, હોળી જ પ્રગટાય રે,
ત્યાગી વલ્લભભાઈએ, વિદેશી હર ચીજ રે;
લોકો શીખવવા લાગ્યા, અંગ્રેજોને તમીઝ રે,
દારૂપીઠે કરે ચોકી, મહિલાઓ મહાન રે;
વિદેશી લૂગડાંની થૈ, બંધ બધી દુકાન રે,
ચાલ્યા છે નોકરી છોડી, દેશ કાજે યુવાન રે;
ને યુવરાજને કયાંય, જરા મળ્યું ન માન રે,
**
લાવ્યો વલ્લભભાઈએ, જુસ્સો અસહકારમાં;
ગાંધી સાથે મળી લાવી, ધ્રૂજારી સરકારમાં.
(ક્રમશ:)