સરદારનું ગીત - ૧
સરદારનું ગીત - ૧
વલ્લભજન્મ (ઈ,સ, ૧૮૭પ)
કરમસદ ગામે રે, આનંદ ઉજવાય રે;
નડિયાદ મુકામે રે, બાળક જન્મ થાય રે,
પિતા ઝવેરભાઈ છે, જેનો હર્ષ ન માય રે;
જનેતા લાડબાઈ છે, એ હૈયે હરખાય રે,
અઢારસો પંચોતેર, બાળની જન્મ સાલ રે;
દિ’ એકત્રીસ ઓક્ટો,નો, બધાં ખુશખુશાલ રે,
પ્રભુને યાદ રાખીને, રાખ્યું વલ્લભ નામ રે;
તેજ ઝળહળે જેનું, થ્યા પૃથ્વીએ મુકામ રે,
જીજીભાઈ-જેમના નાના, વરસાવે વહાલ રે;
મામા ડુંગરભાઈ છે, ભાણાના ગાલ લાલ રે,
માજાયા પાંચ ભાઈઓ, વલ્લભ ક્રમ ચાર રે;
સૌથી નાનાં જ ડાહીબા, બંધુ પ્રેમ અપાર રે,
વય વલ્લભની બાળ, મેળવે લાડ-કોડ રે;
ત્રણ ભાઈ પિતા-માતા, ઉછેરે વીર છોડ રે,
લાડ-કોડે ઉછેર્યો છે, બાળ રમતિયાળ રે;
તેજસ્વિતા દિસે ભાલે, ભાલ એનું વિશાળ રે,
પિતાને હેત હૈયે છે, બાળ મહાન થાય રે;
મહેચ્છા એ પિતાજીની, બાળ ભાલે કળાય રે,
માતા સંસ્કાર પૂરે છે, ધર્મજ્ઞાન અપાય રે;
ખૂબ સમજદારીથી એનો ઉછેર થાય રે,
બાળ મોટો થતો જાય, વધતો દિન-રાત રે;
ધીમેથી ડગ માંડે છે, કાલી સૂણાય વાત રે,
બાળને રમવા માટે, રમકડાં અપાર રે;
રમે નૈ બાળ એનાથી, અડે નહિ લગાર રે,
પાટીની લાગણી એને, પેને દોરે લકીર રે;
એવાં લક્ષણ દેખાય, બને વિદ્વાન વીર રે,
ઝડપ ચાલમાં રાખે, બની જાય અધીર રે;
ઊંચો-નીચો થતો એતો, બતાવવા ખમીર રે,
**
સૌ મનમાં વિચારે છે, બાળક શું બની જશે !
બાળના મનમાં શું છે, એ તાગ કોણ કાઢશે ?
(ક્રમશ:)