શું કહું

રોજ ચહેરાના ઠઠારા વિશે શું કહું ?

મારાં દિલ, બિચારા વિશે શું કહું ?

મજધારે આવીને શ્વાસ છે લીધો 

ડૂબાડતા એ કિનારા વિશે શું કહું ?

અટકું કો'નામ પર ને પૂછે જો કોઈ 

એમને પછી હું તમારા વિશે શું કહું ?

ઘણા સવાલોના જવાબ દઈ દેતા 

એક તમારા એ ઈશારા વિશે શું કહું ?

ચાંદલો ને ચાંદની એક જેવા લાગતા 

ચાંદની રાતના નજારા વિશે શું કહું ?

કોઈને પૂછશો, તો અંદાજ આવશે 

હું બીજું તો હવે મારાં વિશે શું કહું ?