આસપાસ

પ્રેમથી દૂર ઘણું ને,  દોસ્તી-યારીની આસપાસ

હવે મન રહ્યા કરે છે સમજદારીની આસપાસ

થઇ ગઈ છે ફરતી એ શહેરમાં ગલિએ ગલિએ

કહાની,જે ફરતી હતી મારી-તમારી આસપાસ

ખોવાયા હતા જેની બોલકી આંખોની વાતોમાં 

એની જ વાતો છે,હવે દુનિયાદારીની આસપાસ

ખબર છે, હવે દેખાય એમ નથી ચાંદ કે ચહેરો

તોય, નઝરો જાય, એ જ અટારીની આસપાસ

સતત અનુભવ્યા કરે ટેરવા,સ્પર્શ એ પાલવનો

ને, આંગળીઓ ફરે એની કિનારીની આસપાસ

બોલતા પહેલા જેમને ખુબજ વિચારવું પડે છે

હોય છે વર્તન એમનું,  અદાકારીની આસપાસ