"શું આ મજા છે ?.."

મજા નથી હવે મળવામાં...2

ને હોય મજા જો મળવામાં,

તો કેમ કોઈ મળતું નથી રજામાં !.

ને આમ તો ઘણા હોય છે સગામાં,

પણ પ્રસંગ સિવાય ક્યાં કોઈ આવે છે નજરમાં.

માણસ ખોવાઈ ગયો છે ઈન્ટરનેટની દુનિયામાં,

હવે ક્યાં કોઈ જોવા મળે છે ચર્ચામાં !.

આમ તો ઘણું બધું બોલે છે

વોટ્સએપ અને ફેસબુકમાં,

ને છતાં લોકો કહે આતો મૌન જ રહે સભામાં !

ને જો બને કૈક અણગમતું આ જીવનમાં,

તો જીવવાનું છોડી દે છે દુનિયામાં.

ને હવે હું પણ કહું છું મારી આ ગઝલમાં

કે શું મજા છે આવી રીતે જીવવામાં ?.