ક્યાં સુધી
ક્યાં સુધી
ક્યાં સુધી ચૂપ રહું ?
પીડાનો ભાર હવે નથી સહેવાતો,
પીડાઓને રાખી છે હૈયાની કાલ કોટડીમાં,
પણ જો ને એ તો છે ભાગેડુ કેદી જેવી,
અશ્રુ બની વહી જાય છે,
આ આંખોની જેલ તોડી,
ક્યાં સુધી હું હાસ્યનું આવરણ પહેરું ?
આ સમસ્યાઓ તો ચંચળ ભ્રમર જેવી
ઘડીક આંખોમાં, તો ઘડીક હૈયે, તો ઘડીક હોઠે,
જો ને આ સંતાપ આપ્યા કરે એ ઘડી ઘડી,
ક્યાં સુધી હૈયાની વાતોને આમ સંતાડ્યા કરું ?
હૈયાની વાતો તો આ ડોન જેવી,
ધમકી આપ્યા કરે ઘડી ઘડી,
મહેફિલમાં ગઝલ બની હોઠે આવી જશે,
ફરિયાદ કરે એ ઘડી ઘડી,
કાશ ! આ પીડાઓ પણ પીળા પર્ણની જેમ હૈયેથી ખરી જતી હોત તો !