గ్రంథాలయం
ప్రొఫైల్
ઊડી જશે
ઊડી જશે
1 min
248
ચાંચ મારી થાકશે દર્પણમાં, ને ઊડી જશે.
જાત એની માપશે દર્પણમાં, ને ઊડી જશે.
ગામડું છે પ્રિય એને મોહ ના શહેરો તણો,
વ્હાલ જેવું લાગશે દર્પણમાં, ને ઊડી જશે.
ના છબી ના ઓસરી ના ઝાડવું દેખાય જ્યાં,
આયખું શે કાપશે દર્પણમાં, ને ઊડી જશે.
સાંભળો ચીં ચીં તમે જો ધ્યાનથી ગમશે પછી,
પ્રેમથી એ આવશે દર્પણમાં, ને ઊડી જશે.
હોય ના ચકલી પછી સૂનું થશે ઘર આંગણું,
ખોટ કેવી લાગશે દર્પણમાં, ને ઊડી જશે.
