પ્રકૃતિની નિયમિત રફતાર છે

જગત પર સર્જનહાર હોવાનો અણસાર છે,

એટલે જ તો આ પ્રકૃતિની નિયમિત રફતાર છે,

આ પર્વત પરથી નીકળતા ઝરણા અદ્ભૂત સર્જન છે ઈશ્વરનું,

એટલે જ તો ઝરણાનો મીઠો ઝણકાર છે,

દરિયાની શોર કરતી લહેરો, પંખીનું મીઠું સંગીત છે,

આ ધરતી પર સર્જી ઈશ્વરે ખુશીઓની વણઝાર છે,

રોજ આવે સૂરજ આંગણે નવા શમણાંઓ લઈને,

ઊઠ, ઊભો થા, તારું સ્વાગત કરવા એ લઈને આવ્યો ફૂલહાર છે,

તકલીફોમાં દુઃખી કેમ થાય છે તું આમ ?

તકલીફોમાં તારા માટે લાવ્યો એ અવસર છે,

મંઝિલ તારી ખૂબસૂરત અને અદ્ભૂત હશે !

ભલે ને હમણાં કાંટાભરી તારી ડગર છે,

તારાથી થાય એટલે પ્રયાસો કર, બાકી બધું એના પર છોડી દે,

ધાર્યું બધું થઈ જશે તારું,તારા પર એની રહેમની નજર છે.