પ્રેમ થઈ ગયો

આ તો જીવનમાં વહેમ થયો કે પ્રેમ થઈ ગયો,

રચના મારી ને કિસ્સો તારો એવો પ્રેમ થઈ ગયો.

વોટસઅપ ને ફેસબુકના સુવિચારોથી પ્રેમ થઈ ગયો,

સરગમના એ સાત સૂરોથી પ્રેમ થઈ ગયો.

કલમ થકી કમાલ દેખાડતાં પ્રેમ થઈ ગયો,

ભાવનાના વહેણ થકી વહેતા પ્રેમ થઈ ગયો.

શું મેળવ્યુ ને શું ખોયુ એ જાણતા પ્રેમ થઈ ગયો,

દુનિયાના આ આટાપાટાથી પ્રેમ થઈ ગયો.

હરિફાઈના આ યુગમાં હારતા પ્રેમ થઈ ગયો,

ખોટા ભ્રમમાં રાચતા કેવો પ્રેમ થઈ ગયો.

જુઠા જગની જુઠી માયાથી પ્રેમ થઈ ગયો,

રસ્તે ચાલતા એ પત્થરોથી પ્રેમ થઈ ગયો.

દંભી જનોના દંભ જ જાણતા પ્રેમ થઈ ગયો,

જ્ઞાની જનોના જ્ઞાન જ માણતા પ્રેમ થઈ ગયો.