પપ્પાની માયાનગરી
પપ્પાની માયાનગરી
ભજવે એ તો નીતનવા વેશજી,
એ તો નવાબજી મારા ઘરનાં મુખિયા !
કરે ખોટી ટકોર, ને ઉઠાડે ઘણાં વ્હાલથી.
એવી તો એ મારા નેતાજીની મીંઠુડી દુનિયા !
કાઢે મોટી આંખો, ને આપે લીંબુપાણી કાળજીથી,
એવી તો એ મારા વૈદજીની તબીબી દુનિયા !
આપે કટોરી દહીંની, ને ખવડાવે રોટલી કપટથી,
એવી તો એ મારા રસોઈયાજીની રસીલી દુનિયા !
માંગે કસોટી પત્ર, ને પૂછે હરેક પ્રશ્નો કડક નજરથી,
એવી તો એ મારા ગુરુજીની આદર્શ દુનિયા !
કરાવે ફરજનું ભાન, ને રમાડે ગુડિયાને મસ્તીથી,
એવી તો એ મારા પપ્પાજીની માયાળુ દુનિયા !
ભજવે એ તો નીતનવા વેશજી,
એ તો નવાબજી મારા ઘરનાં મુખિયા !