પળો

પળભરમાં શું થઈ જાય કોને ખબર ?

કોણ કયારે દૂર થઈ જાય કોને ખબર ?

ધબકતું હૃદય કયારે બંધ થઈ જાય કોને ખબર ?

માનવીનું માટીનું તન કયારે રાખ થઈ જાય કોને ખબર ?

કપરી ઘડી કયારે આવી જાય કોને ખબર ?

કહેવું સરળ છે ઘણું, અઘરું તો છે કરવું,

પણ છતાંય કહું છું,

જીવી લો મન મૂકીને, હસી લો દિલ ખોલીને,

એક પળ માટે ભૂલી જાવ જિંદગીના દુ:ખો,

વાગોળી લો મનગમતી યાદો,

રહે ના મનમાં કોઈ વાતનો રંજ,

કહી દો મનમાં સંઘરેલી વાતો,

સમેટી લો થોડી આ પળોની યાદો.