બળતરા

કોણ કહે છે કે બળતરા દાઝવાથી જ થાય છે ?

અરે ! ક્યારેક કોઈના શબ્દો પણ દઝાડે છે મનને,

અંદર સુધી બાળી દે છે એ શબ્દો,

ના મળે એની કોઈ દવા કે મલમ.

હૈયાને બાળીને રાખ બનાવી દે છે એ શબ્દો,

તોડીને ચકનાચૂર કરી દે છે એ શબ્દો.

ના સહી શકાય કે ના બતાવી શકાય આ બળતરા,

દાઝ્યાની બળતરા તો સમી જાય છે સમય વીતતાં પણ,

મનની બળતરા કયારેય નથી શમતી.

આંખેથી છલકી ઊઠે છે આ બળતરા,

ક્યારેક જીવવું કપરું કરી દે છે આ બળતરા.

ના જળથી પડે શાંત કે ના દવાથી મટે આ બળતરા,

"મીરાં" ઘણી પીડા આપે આ બળતરા.