એમ પણ બને

હાલ તારી પાસે છું એટલે કહું છું,

મારી સાથે થોડી વાતો પણ કરી લે,

પછી તારી વાતો તો હોય પણ હું જ ના હોઉં

એમ પણ બને !

હાલ તને હું ફરિયાદ કરું છું એને,

સાંભળી લે જરાં, પછી તું તારી ફરિયાદ મને

કરે પણ હું એ સાંભળી જ ના શકું,

એમ પણ બને !

હાલ તને કહું છું કે જીવી લે મારી સાથે આ અમૂલ્ય જિંદગી,

આવતી પળ તું મારી સાથે જીવવાં તરસી રહે,

એમ પણ બને !

હાલ તને કહું છું લડી લે, ઝઘડી લે,

રિસાઈ લે, મનાઈ લે,

આવતી પળ તને મનાવનાર, તારી સાથે રિસાવનાર ના રહે,

એમ પણ બને !