પાંજરામાં પૂરાયેલાં પક્ષી
પાંજરામાં પૂરાયેલાં પક્ષી
હું ભોળું, માસુમ ને,
પ્યારું પારેવડું,
જૂઓને કેવું પાંજરે પૂરાયું !
જન્મીને આ વિશાળ વિશ્વમાં આવ્યું,
જાણે ઈશના આશિષથી જગતમાં આવ્યું,
હળવે હળવે મેં પાંખ ખંખેરી,
ઊંચે આકાશમાં ઊડાન ભરી,
પણ આ અચાનક શું થયું ?
એક દિવસ હું કોઈની નજરમાં આવ્યું,
એને તો લઈને મને પાંજરે પૂર્યુ,
છીનવાઈ ગઈ મારી આઝાદી,
મારાં શ્વાસ પર જાણે લાગી ગઈ કોઈ બેડી,
ટગર ટગર હું જોતું રહ્યું આ માનવીને !
કેટલો કઠોર ? કેટલો ક્રૂર ?
કુદરતનો બનાવેલો આ માનવી
આજે શાને બન્યો પિશાચ ?
હું તો અબૂધ ને લાચાર જીવ !
બસ એને જોતું જ રહી ગયું,
ના કંઈ બોલી શકું હું,
ના બહાર આવી શકું હું,
મારી વેદનાનો નહિ પાર,
લાગે મને ત્રાસ અપાર,
હે માનવી ! તું શાને નિભાવે આ વેર ?
મેં તો નથી કરું કોઈ એવું કામ !
તું આપે મને કેમ આ સજા ?
મેં નથી કર્યો કોઈ અપરાધ !
સતત વિચારે તું મીરાં
પણ મળ્યો ના તને કોઈ જવાબ.