ઓ યુવાનો

એક વાત કહું છું યુવાનો,

સમજો તો વાત સમજાવું છું;

જીવનમાં તો ડગલે પગલે,

આવશે રોજબરોજ કસોટી;

હિમ્મત રાખીને પગલું ભરવું...

પરેશાનીથી ડરવું નહીં,

નાની નાની વાતમાં દુઃખી થવું નહીં

મન અને મગજમાં ભાર રાખવો નહીં;

ડિપ્રેશનમાં આવી ખોટું પગલું ભરવું નહીં,

જે માતા-પિતાએ મોટા કર્યા છે;

એને રડતાં મુકીને,

આત્મહત્યા કરશો નહીં;

શા માટે આવી ભૂલ કરો છો...

સમજો યુવાનો વાત આ,

સમજો માતા-પિતાની ભાવનાઓ,

ખોટું પગલું ભરી

પછી પસ્તાવાનો અવસર મળશે નહીં,

આવી અમૂલ્ય જિંદગી એમ વેડફશો નહીં.

એક વાત કહું છું‌ યુવાનો,

દિલમાં આ વાત રાખજો,

અંધારી રાત પછી ઉજળી સવાર આવે છે;

આશા થકી જીવન ઉજળું છે.