મને ગમે છે

તને પામવાની ઘેલછા છે માત્ર મારી,

પણ આ ઘેલછા મને ગમે છે.

જીવનભરનો હોય ના હોય શું ખબર !

પણ આ ક્ષણે તારો સાથ મને ગમે છે.

મને મનાવતા આવડે જ છે ક્યાં છતાં પણ,

તારું ઘડી ઘડી રિસાવું મને ગમે છે.

નહિ હોય મળવાનું નસીબમાં તો પણ,

આ ઘડીભરની મુલાકાત મને ગમે છે.

સાચો છે કે ખોટો એ તું જાણે,

મારા પરનો તારો પ્રેમ મને ગમે છે.

તું મારી છે ને માત્ર મારી છે

મનમાં રાખેલો આ વહેમ મને ગમે છે.

તારા નામ પર ચીડવે છે મને મિત્રો બધા,

ને તારા નામ પર જ શરમાવું મને ગમે છે.

સંજોગો જ ક્યાં છે એક થવાના આપણાં !

છતાં સંજોગોથી લડવાનું મને ગમે છે.

અધૂરો તો અધૂરો મંજૂર પણ, 

આ કિસ્સો મને ગમે છે.

થોડો તો થોડો ભલે પણ,

જીવનમાં તારો હિસ્સો મને ગમે છે.