વાત મારી ને તારી

હું પ્રેમની નાવ લઈને નીકળ્યો કોઈ નાવિક જેવો

એ મદમસ્ત ઉછળતા કોઈ દરિયો જેવી,

હું સુગંધમાં મોહાયેલ કોઈ ભમરા જેવો

એ સુગંધી ફૂલોના કોઈ બગીચા જેવી,

હું ટીમટીમ ચમકતા કોઈ તારા જેવો

એ સોળે કળાએ ખીલેલા કોઈ ચાંદ જેવી,

હું સૂકાવા પડેલી કોઈ નદી જેવો

એ અનરાધાર વરસતા કોઈ વરસાદ જેવી,

હું સોમથી શુક્રની નોકરી જેવો

એ શનિ રવિના આનંદ જેવી,

હું રોજિંદા સામાન્ય કોઈ દિવસ જેવો

એ અનેરા ઉમંગી કોઈ તહેવાર જેવી,

હું છેલ્લી પાટલીનો ઠોઠ નિશાળીયો

એ આગલી બેઠકની અવ્વલ છાત્રા જેવી,

હું એક ક્ષિતિજે આથમતા થાકેલા સૂર્ય જેવો

એ બીજા છેડે ઉગતા રૂપાળા ચાંદ જેવી,

હું ગમતા ન ગમતા થતાં કોઈ વહેવાર જેવો

એ ઉમળકાભેર થતી કોઈ તહેવાર જેવી,

હું કલમના કોઈ નાના મોટા કલાકાર જેવો

એ કોઈ કલાકારની બેનમૂન કલાકૃતિ જેવી.