મન પંખી

મને તો આ પંખી બની મુક્ત ગગનમાં વિહરવું છે,

પણ જવાબદારીની જંજીર મને જકડી રાખે છે,

મને આ દુનિયાના દરિયા ડહોળવા છે

પણ આ સંબંધોનું લંગર મને જકડી રાખે છે,

આ પતંગિયું બની આ મસ્ત હવામાં લહેરાવું છું

પણ શું કહેશે સમાજ ? એ ડર મને જકડી રાખે છે,

મને તો પ્રકૃતિની ગોદ \માં જઈ ઈશ્વરમય બનવું છે

પણ આ સંબંધોનું વળગણ મને જકડી રાખે છે,

ફક્ત કલ્પનાઓથી જ આઝાદ થઈ શકાય છે અહીં

હકીકતમાં કેટલી પાબંદીઓ જકડી રાખે છે,

પંખી બની મસ્ત ગગનમાં વિહરવું છે,

આજે દુઃખ ગમ ઉદાસીના વળગણથી મુક્ત થઈ,

મારે મારા મુક્ત ગગનમાં વિહરવું છે.