મન ફાવે એમ કરવા દો

હરવા દો, ફરવા દો, મોજ મજા એને કરવા દો,
હજુ નાનો છે, એને મન ફાવે એમ કરવા દો.

આમ કર, આમ ના કર,
એમાંથી મુક્ત કરી,
તરંગોમાં એને તરવા દો...
હજુ નાનો છે, એને મન ફાવે એમ કરવા દો.

આ ગંદુ છે,આ ચોખ્ખું,
એમાંથી મુક્ત કરી,
મોઢું ગમેતેમ ભરવા દો,
હજુ નાનો છે, એને મન ફાવે એમ કરવા દો.

આ સારું છે, આ ખરાબ,
એમાંથી મુક્ત કરી,
ઠોકર વાગી ખરવા દો,
હજુ નાનો છે, એને મન ફાવે એમ કરવા દો.

‘ક’, ‘ખ’, ‘ગ’ અને ‘A’, ‘બી’, ‘સી’,
એમાંથી મુક્ત કરી,
કુદરતના ખોળે ઠરવા દો,
હજુ નાનો છે, એને મન ફાવે એમ કરવા દો.