મારું સુખ
મારું સુખ
બને ત્યાં સુધી મારે એકલા જીવતા શીખવું છે,
દુઃખમાં તો શીખવાડી દીધું હવે સુખમાં શીખવું છે.
એકલતા તો ઉપહાર જ મળી મારે એકાંત જાણવું છે,
સુખ દુઃખની જંજાળ છોડી મારે બાળક બનવું છે.
બદલાતી મોસમની વચ્ચે મારે ઋતુ એકજ રહેવું છે,
પાનખર કે અષાઢ ની હોય ભલે મારે વસંત જ રહેવું છે.
ઝાંઝવાનાં નીર જેવા સંસારમાં મારે ગંગા બનીને વહેવું છે,
પાપ પુણ્યની ઘટમાળ છોડી મારે પવિત્ર જ રહેવું છે.
દુઃખ તો વહેંચતા શરમાવું છું પણ સુખમાં મિત્રો શોધું છું,
ત્યાં જ અનાયાસે સુખને દુઃખ બનાવી બેસું છું
એટલે જ હવે સુખમાં એકલા રહેતા શીખવું છે,
બને ત્યાં સુધી મારે એકલા જીવતા શીખવું છે.