માણસની સમજ

મારે માણસ સમજવાની શાળાએ જવું છે,

જે કહે છે હું છું તારું સાથે,

ખરા સમયે ક્યાં હોય છે ?

જે કહે છે તું મને ગમે છે,

જ્યારે મારે કહેવું હોય ત્યારે ક્યાં હોય છે ?

સૂરજ કરતા ચાંદ શીતળ છે,

પણ દિવસે ચાંદ ક્યાં હોય છે ?

જેને આખી દુનિયાની ખબર છે,

એને ખુદની ક્યાં ખબર હોય છે ?

વિષયોનું જ્ઞાન તો શાળામાં મળે છે,

પણ, માણસ સમજવાનું જ્ઞાન ક્યાં મળે છે ?

જે કહે હું તમને સમજુ છું,

એ પણ ખરેખર ક્યાં સમજે છે ?

મારે માણસ સમજવાની શાળાએ જવું છે,

પણ, એ ક્યાં છે ? એની કોને ખબર છે ?