મારી તો સોનેરી સવાર

અદ્ભૂત કામણગારી પ્રકૃતિના સાનિધ્યમાં

મારો ઓટલો,

એટલે જાણે ખુશી ઓનો પોટલો !

કેવી સોનેરી ઊગે મારી સવાર !

સોનેરી સૂરજની કિરણો આવી મને જગાડે

આ કુમળું ઘાસ સાદ દઈને ઉઠાડે,

આ ફૂલોની મહેક સ્ફૂર્તિ લાવે મારા કાજે,

આ હવાની લહેરખી આપે ઉત્સાહનો પ્રસાદ, લાવે મારા કાજે,

મને ક્યાં જરૂર છે એ,

આ જિમ કે ક્લબ હાઉસની !

આ પતંગિયું આવી બેસે મારા ખભા પર

પૂછવા મારા હાલચાલ,

આ પોપટ મેનાં ને ચકલી ગાઈ અદ્ભૂત ગીતો,

થઈ જાય મારી સવાર માલામાલ !

મને ક્યાં જરૂર છે કોઈ કોન્સર્ટની !

ચકલી મેના પોપટ જાણે,

ગાઈ ભક્તિ ગીત,

જીવન જીવવાની શીખવે એ રીત,

જીવન પ્રત્યે એ જગાડે છે પ્રીત,

જીવન લાગે જાણે સાત સૂરોનું સંગીત !

આ ઝાકળ જો ને ફૂલને મોતી જેમ ચમકાવે,

આ હવા જો ને ફૂલની ખુશ્બુ ફેલાવે,

વાતાવરણને મહેકાવે,

આ સોનેરી સવાર સૌનું મો મલકાવે,

આ સોનેરી સવાર ફૂલોને મહેકાવે,

આ સોનેરી સવાર પંખીઓને ચહેકાવે,

આ સવાર સૌના જીવનમાં ઉમંગ લાવે.