કુદરત પર કવિતા લખવી મારે

મારે તો કુદરત પર કવિતા લખવી છે

આ આકાશમાં કંકુ પગલાં પાડવા છે,

આ પંખીઓના સૂરને,

શબ્દોમાં ઢાળવા છે,

આ વૃક્ષના પર્ણે પર્ણે બેઠા છે શબ્દો,

એને એકત્રિત કરી પ્રાસ બનાવવા મારે,

આ વર્ષાના હર એક બુંદ છે, શબ્દોનો ખજાનો,

એને ભેગા કરી અલંકાર બનાવવા મારે,

આ દરિયાની એક એક લહેરમાં છે કાફિયા,

તેના સંયોજન થી ગઝલ લખવી મારે,

ધરતીના કણ કણમાં છે મત્લાનો ભંડાર,

એનાથી શેર સુંદર બનાવવો મારે,

આ બાગ ના હરેક ફૂલ પાસે છે અલંકારનો ભંડાર,

મોંઘા મૂલની કવિતા લખવી મારે,

આ ગગનના દરેક સિતારા પાસે છે શબ્દોનો અદભૂત ખજાનો,

આ ખજાનાને લૂટવો મારે,

બસ શબ્દ સમ્રાટ બનવું મારે,

કુદરત વિશે કવિતા લખવી મારે,

પણ કેમ લખી શકું ?

આ સાગર ને ગાગરમાં કેમ સમાવી શકું ?