કિસ્મતની રમત
કિસ્મતની રમત
આજકાલ જિંદગી ટૂંકી ને સપનાઓ લાંબા થઈ ગયા છે,
હાથમાં રેતી સરકતી થાય છે ને ચાંદ ઉપર ચમકતો રહે છે,
આંખોમાં શમણાંની સવાર ખીલે છે,
ત્યાં તો ટપક દઈને સાંજ ઢળી પડે છે,
નોકરીથી થાક્યા પાક્યા ઘરે આવીને છીએ,
ત્યાં તો બીજી જવાબદારી સામે આવી સ્વાગત કરે છે,
શું કહું આ જિંદગી વિશે યાર ?
કિસ્મત ચમકાવવા જાઓ,
ત્યારે હાથની હસ્તરેખાઓ ઠેંગો બતાવી જાય છે,
ગુસ્સાથી થઈ જાઉં છું હું લાલ પીળો,
ત્યારે પવનની લહેરખી આવીને શાંત કરી જાય છે,
બસ આમ જ જિંદગી પૂરી થઈ જાય છે,
સપનાંઓ હવામાં ગુમ થઈ જાય છે.