ખંતના ચમત્કાર
ખંતના ચમત્કાર
નિષ્ઠાના જીનને થાય,
ખંત તણો સ્પર્શ.
ચમત્કારો સર્જે છે
જીવન સંઘર્ષ...
નાથિયો કમાણી કરી,
નાથાલાલ થાતો.
મૂંગો સંઘર્ષ કરી,
ગીત રૂડા ગાતો.
ખંત વડે સર્જાતો
જીવન ઉત્કર્ષ...
ચમત્કારો સર્જે છે
જીવન સંઘર્ષ...
પાંચમા પૂછાતો,
ને ગાડીમાં મ્હાલતો.
અનુભવની એરણ પર,
જીવનને ઢાળતો.
થાતો ના એને કદી,
મદ કેરો સ્પર્શ...
ચમત્કારો સર્જે છે
જીવન સંઘર્ષ...
હરિવર પર નંદી પાક્કો,
ભરોસો તું રાખજે.
આવે જો અવરોધો
હસી હસી સાંખજે.
જે મળશે તે પામી,
સમાશે ન હર્ષ...
ચમત્કારો સર્જે છે
જીવન સંઘર્ષ.