કેવા મજાના ઉંદરભાઈ...!

કાળો એમનો રંગ છે,

ને દરમાં એ તો રહે છે

કેવા મજાના ઉંદરભાઈ‌ !

એ તો છે લાંબી મૂછવાળા,

ને ચૂં ચૂં બોલવાવાળા

કેવા મજાના ઉંદરભાઈ !

બિલ્લીને જોઈને એ તો ભાગે,

 ને આખી રાત જાગે

કેવા મજાના ઉંદરભાઈ !

આખા ઘરમાં દોડાદોડી કરે,

ને ખાવાનું એ તો શોધ્યા કરે

કેવા મજાના ઉંદરભાઈ !

જાળ કાપી નાખે પળવારમાં,

ને ઠાઠ છે એમનો ગણેશોત્સવમાં

કેવા મજાના ઉંદરભાઈ !

ગણેશજીનું એ તો વાહન કહેવાય,

ને લાડું ખાઈને રાજી થાય

કેવા મજાના ઉંદરભાઈ !

બાળકોને એ તો ખૂબ પ્રિય,

ને મામા એ તો કહેવાય

કેવા મજાના ઉંદરભાઈ !