કેમ ફાવે છે ?

હવે કહી દો તમે ઘટના બધી આ શું બતાવે છે ?

અહીં તો સૌને પોતાની બધી આદત સતાવે છે,

નથી સુધરી જ શકતા આ જમાનામાં ઘણાં લોકો,

જિંદગી ક્યાં સતત બધાને અરીસો બતાવે છે !

કે જડતા એટલી વધતી છે ચાલી આ મનુષ્યોમાં,

વીતેલી આપ પર તકલીફ બીજા પર વીતાવે છે,

દયાનું નામ આવે ત્યાં જ પથ્થર જે બની જાતો,

આ માનવ એ જ પથ્થરથી ફરી ઈશ્વર બનાવે છે,

કે જીવતાં ભાવ ના પૂછે, ને શબને માન આપે સૌ,

ફરી હું 'સ્તબ્ધ'ને પૂછું, તને અહીં કેમ ફાવે છે ?