કે' જોઈએ!

બહુ બધું કર્યું મારે કાજે જ કે તેં સખે !

અડબોથમાં લેવાનું એટલે જ ચૂકતો નથી

તું વારેઘડીએ.. ! કે' જોઈએ !

છું ઊભો હરદમ પડખે તારે સખી, નૈં

પડવા દઉં તને એકલી ક્યાંય, કદીયે, કે'નાર

થૈ રહ્યો રણછોડ.. ! કે' જોઈએ !

શબ્દેશબ્દ મમ લાગતાં બેવકૂફીભર્યાં તને,

નથી છોડતો મોકો એકેય હથોડી ઠોકવાનો,

ને રાખતો હાથ ઊંચો જ.. ! કે' જોઈએ !

કસી છે કમર તેં, મેળવી આપવા રોકડાં મને,

હિંમત પણ આપી છે, ડામ પણ તો દીધાં છે,

શું રહ્યું છે હજુ કૈં શેષ.. ! કે' જોઈએ !

બુદ્ધિશાળી કેવળ તું જ, ને તારો સાહેબ જ,

કાં અડબોથે આવતો મારે, મૂર્ખ જ્યાં હું ઐં,

ન વેડફ શક્તિ તવ.. ! કે' જોઈએ ! 

ન કેળવી જાણતો હો' તું આમન્યા સંબંધની,

નથી હક અપમાન કરવાનો મને વારતહેવારે,

કે શ્વસુ છું તવ મહેરબાનીથી.. ! કે' જોઈએ !

કૈં રહ્યું કે'વાને હજુય જો તો, નથી સાંભળવું

મારે, કે કર્યું છે અદા ઋણ તમ સતકર્મોનું મેં

બૌ થયું, બસ કર હવે.. ! કે' જોઈએ !

જીભ સાથે કાન પણ તો મેળવ્યા છે બે બે

તોયે, કહેવામાં સુરા, સુણવામાં નબળાં કેમ

રાખ તારી હોંશિયારી તારી કને ! કે' જોઈએ !

નગણ્ય જ હતી, છું, ને રહીશ, ગમ નથી મને

નૈં ચાલે નબળાઈ મમ ફરી ફરી કહું તું મને તેં

કમજોર નથી હું જાણી લે.. ! કે' જોઈએ !