કાળોતરુ કળતર છે

દર્દની વાત નથી,

આ તો કાળોતરુ કળતર છે.. 

ના એસિડિટી, ના મન ખાટુ મારું..

આ તો હૈયાની, અંતિમ બળતર છે. 

છું માળી, ફૂલો મને બહુ ગમતા... 

પણ, અહીં તો નકરા કાંટાનો વાવેતર છે. 

ગણ્યા જેમને નીજના, જુઓ થયા ઈ પરાયા..

આપ્તજન નહીં, એ તો વેરી વિષ ફણિધર છે. 

મીઠી મીઠી વાદળી, ઊઠતી જોઈ નભ કાંઠડે.

નજદીકથી જોયું એને તો, ભયંકર બવંડર છે. 

શું જીવવું આ જીવનને, નર્યા દુ:ખના ભારા છે.

ઘડીકમા અમૃત ઝરણું, ઘડીમા કાળ સમંદર છે.