કાચી માટીનો મોગરો
કાચી માટીનો મોગરો
અહીં કેમ ફૂલ-પાંદડી વિખરાયા છે ?
ના અહીં ઝાડ છે, ના કોઈ ડાળ છે,
ઓહ ! આ તો એક બેજાન સ્ત્રીભૃણ,
માં ના ચહેરા પર જો, ના કોઈ નૂર છે !
હું એક બચ્ચી ઘણી જ પ્યારી હતી,
બચ્ચેદાંની માં તરતી મજાની હતી,
માં સાથે જાતજાતની વાતો કરતી,
અંગુઠો ચૂસતીએ કુમળી કળી હતી !
ગર્ભમાં સલામત બેઠી'ને ડરતી હતી,
બધાના હું અવાજ સાંભળતી હતી,
આજુબાજુ જાણે વંટોળ જ ઊઠયો,
બહાર ખબર પડી કે "હું દીકરી હતી" !
હજી હું એક અજન્મી બચ્ચી હતી,
બહાર આવવાની ઉત્કંઠા ઘણી હતી,
માંની હુંફાળી છાતી પર માથું રાખવું'તું ને
માંની વહાલી ચૂમીઓથી ભીંજાતી હતી !
માં હંમેશા કેમ ચૂપ જ રહેતી હતી ?
હાં,એ મને જન્મ આપવા માંગતી હતી,
પણ તમને કહ્યું ને"હું એક દીકરી હતી"
હું માં અને દાદીનાં જેવી જ તો હતી !
શા કારણે ? મને કંઈ ખબર ન હતી,
ક્યારે ? હું તો આરામથી સૂતી હતી,
અચાનક એક ઝણઝણાટી આવી ગઈ,
અને જો હું એક નિશ્ચેતન દેહ જ હતી !