જિંદગી બોલી ઊઠી

રાહ પર કો બાળ ભૂખ્યો રોટલો બટકું મળે,

ભેજ આંખે સ્મિત સાથે જિંદગી બોલી ઊઠી !

આર્ત વાણી મૂક પશુની હૃદય કો લીલું બળે,

જે કતલખાનેથી છૂટી એ જિંદગી બોલી ઊઠી !

દીન બેઠો જાતભાઈ ભાળ લેવા કો મળે,

સાર એ છે સમૃદ્ધિનો જિંદગી બોલી ઊઠી !

પાનખરમાં મા-પિતાને પ્રેમ આદર જ્યાં મળે,

એ વડીલોની ખુશીમાં જિંદગી બોલી ઊઠી !

ભેદરેખા માનવોમાં રંગ વર્ણોની ટળે,

હૃદયે માનવતા વસી તો જિંદગી બોલી

ઊઠી !