જીવન મધૂર

ઝાડની એ ડાળે ડાળે પર્ણ સુંદર

મીઠી કંઠે ગાતી બેઠી કોયલ સુંદર

હે કુદરત! તારા થકી જ જીવન મધૂર...!

ખળખળ વહેતા એ જળ સુદર

પાણીમાં તરતી લાગે માછલી સુંદર

હે કુદરત! તારા થકી જ જીવન મધૂર...!

સુગંધી ખીલેલા ફૂલ અતિ સુંદર

એની આસપાસ ઘૂમતાં પતંગિયા સુંદર

હે કુદરત! તારા થકી જ જીવન મધૂર...!

આકાશે કાળા ભૂરાં વાદળ સુંદર

રાતના અંધકારે ચંદ્રની કળા સુંદર

હે કુદરત! તારા થકી જ જીવન મધૂર...!

ટમટમતા તારલા થકી આકાશ સુંદર

સૂર્યોદય પીળાં કિરણો થકી ધરા સુંદર

હે કુદરત! તારા થકી જ જીવન મધૂર...!

શિયાળે ઠંડી ને ચોમાસે વાદળી સુંદર

મીઠી વાણી થકી મનુષ લાગે સુંદર

હે કુદરત! તારા થકી જ જીવન મધૂર...!